លោក សុខ ដែន ជាតួឯង អ្នកដឹកនាំរឿង និងជាជំនួយការចាងហ្វាងផលិតកម្ម Eye Love Film Production បានប្រាប់ថា រឿង លត់ដែកថែប នេះជាខ្សែភាពយន្តប្រភេទ វ៉ៃប្រហា កំប្លែងសើច ដូច្នេះហើយទើបលោកជ្រើសយក តារាជើងចាស់ដែលចេះក្បាច់គុន រួមជាមួយតារាកំប្លែងកំពុងពេញនិយមមាន នាយចឺម និងកញ្ញា វ៉ាន់ នីឡា ។
អ្នកដឹកនាំរូបនេះបន្តថា មូលហេតុដែលលោកសម្រេចចិត្តអញ្ជើញតារារៀមច្បងក្នុងទសវត្សរ៍ទី៨០មកសម្ដែងក្នុងរឿងនេះ ព្រោះលោកចង់បានតួប្លែកៗសុខពីរឿងគេ ម្យ៉ាងទៀតលោកក៏ចង់ឱ្យតារាជើងចាស់ដែលបានដកខ្លួនពីឆាកសិល្បៈច្រើនឆ្នាំមកហើយនោះ បានបង្ហាញវត្តមានឡើងវិញ ដើម្បីលើកទឹកចិត្តពួកគាត់ឱ្យមានការងារ និងប្រាក់ចំណូលផងដែរ។
គួរបញ្ជាក់ដែរថា ខ្សែភាពយន្តរឿង លត់ដែកថែប នេះជាខ្សែភាពយន្តទី៣ របស់ផលិតកម្ម Eye Love Film Production ហើយ បើតាមការបញ្ជាក់ពីលោក សុខ ដែន បានប្រាប់ថា រឿងនេះដាក់គម្រោងថតរយៈពេលជាងមួយខែ ដែលទីតាំងភាគច្រើនគឺថតនៅខេត្តមណ្ឌលគិរី ដែលត្រៀមទុកចំណាយត្រឹមតែ៣ម៉ឺនដុល្លាទេ ប៉ុន្តែរឿងនេះលោកសង្ឃឹមនឹងទទួលបានជោគជ័យខ្លាំង ព្រោះមានការចូលរួមសម្ដែងដោយតារាក្បាច់គុនជាងច្រើន រួមជាមួយតារាកំប្លែងផងដែរ៕
Post a Comment